Teherani njoftoi sot se koronavirusi i ri ka prekur tashmë më shumë se 40 000 persona, prej të cilëve 2 757 kanë humbur jetën.
Republika Islamike bën pjesë në vendet më të prekura nga pandemia e koronavirusit të ri.
Irani njoftoi më 19 shkurt rastin e pare të kontaminuar me COVID-19, por një zyrtar I lartë pranoi se virusi kishte qenë i pranishëm që në muajin janar.
COVID-19 ka shkaktuar 117 të vdekur gjatë 24 orëve të fundit”, deklaroi Kianouche Jahanpour, zëdhënës i Ministrisë së Shëndetësisë në një konference shtypi.
Në të njëjtën kohë, autoritetet shëndetësore kanë regjistruar 3 186 raste të reja të prekur me Covid-19 duke e çuar në 41 495 numrin e rasteve zyrtare të konfirmuara në Iran.
