Kryetari i Kuvendit i Kuvendit dhe i LSI-së, Ilir Meta, ka qenë i pari politikan i lartë që i ka dhënë përgjigje publike kërkesës së hapur të ambasadorit amerikan Donald Lu për miratimin e reformës në drejtësi. Ai tha sot se partia e tij është gati ta votojë që nesër këtë reformë.
“Për mendimin tim por besoj për mendimin e LSIsë apo më saktë grupit të saj parlamentar, me ditën e djeshme reforma në drejtësi ka përfunduar, sepse kjo ka qenë ajo që kemi pritur. Kemi pritur fjalën përfundimtare të Venecias dhe të ekspertëve të Euralius dhe Opdate për disa çështje që nuk ishin çliruar në mënyrë të plotë. Nga dita e djeshme gjithçka ka përfunduar dhe grupi parlamentar i LSIsë është gati për ta votuar këtë reformë që dje jo më nga e hëna”, theksoi Meta.
Më tej ai tha se “opozita kërkoi më shumë kohë,por nuk kam arsye që t’i paragjykoj. Për LSInë votimi ka filluar që nga dje, në çdo moment që të kërkohet votimi ne do jemi gati.”
Meta i beri komentet pas homazheve tek Varrezat e Deshmore me rastin e 5 Majit.
