Ka arritur në 123 numri i të prekurve nga koronavirusi në Shqipëri, ndërsa situata nuk duket aspak e mirë në Korçë.
Në qytetin juglindor brenda 24 orëve të fundit janë shtuar edhe 6 raste të reja. Sa i përket rasteve të para, bëhej fjalë për një 33-vjeçar dhe dy të moshuar. Mësohet se mes personave të konfirmuar ditën e sotme në Korçë janë të afërm të dy të moshuarve.
Abcnews raporton se nga burime jo-zyrtare, është informuar se konkretisht bëhet fjalë për djalin e bashkëshortëve, nusen dhe nipin e tyre. Ndërsa, për 33-vjeçarin, gazetarja raportoi se ISHP është monitoruar personat që mund të kenë pasur kontakt me të dhe se është bërë vetëizolim i të afërmve të tij.
Bëhet fjalë për një person që ka pasur kontakte të shumta edhe me persona të tjerë. Edhe në datën 8 mars në ambientet e lokalit të tij është organizuar një festë. Tashmë ai ndodhet Spitalin e Infektivit.
33-vjeçari është menaxher i një lokali nate në qytet. Sipas raportimeve, ai e bëri analizën fillimisht, por rezultoi negative. Më pas gjendja e tij u përkeqësua dhe nga një analizë e dytë u konfirmua se ishte i prekur nga COVID-19.
