Maqedonia e Veriut ka kufizuar oraret e lëvizjes për qytetarët e saj. Qeveria e ka marrë këtë vendim ditën e djeshme.
Mësohet se të moshuarit do të kenë mundësi të dalin nga ora 05:00 e mëngjesit deri në orën 11:00 në mesditë, ndërsa nga ora 11:00 dhe deri në orën 05:00 të mëngjesit do të duhet të izolohen në shtëpitë e tyre.
Ndërsa të rinjtë do të kenë mundësi të lëvizin nga ora 12:00 e mesditës dhe deri në orën 21:00 të mbrëmjes.
Ky kufizim bëhet në mënyrë që këto dy kategori mos të qëndrojnë afër njëri tjetrit, pasi të rinjtë mund të jenë bartës të koronavirusit, ndërsa të moshuarit janë më të rrezikuarit nga ky virus.
Në Maqedoninë e Veriut janë konfirmuar 136 raste me koronavirus, ndërsa ka patur edhe 2 viktima.
