Pasi Serbia ka shpallur gjendje të jashtëzakonshme për shkak të koronavirusit, kryeministrja Ana Brnabiç, ka paralajmëruar masa të ashpra ndëshkuese ndaj të gjithë ata që nuk zbatojnë vendimet për të qëndruar në karantinë.
Nëse ndonjë person do të shkelë vetëizolimin si pasojë e koronavirusit dhe për shkak të infektimit të mundshëm të personit tjetër që mund të çojë në përfundim fatal, atëherë do të dënohet deri në 12 vjet burg.
Serbia deri më sot ka 89 raste të konfirmuara me koronavirus teksa qeveria shpalli gjendjen e jashtëzakonshme.
Kujtojmë se Italia mori masë të ngjashme një ditë më parë.
