Kryeministri Edi Rama i është përgjigjur pyetjes nëse përveç ndalimit të transportit publik dhe qarkullimit të makinave private do të pezullohet edhe ecja në këmbë.
Rama tha se një gjë e tillë nuk ka pë të ndodhur, por shtoi se është e këshillueshme që të shmanget ecja në grup.
Kreu i qeverisë tha se nëse do të jetë nevoja, do të përdoret forca për shpërndarjen e turmave që mund të mblidhen për të festuar Ditën e Verës në Elbasan.
A do të pezullohet ecja në këmbë?
Edi Rama: Ecja në këmbë nuk do të pezullohet, por nuk është e këshillueshme ecja në grup. Nuk është e këshillueshme që familje të tëra të grumbullohen te liqeni. Mund të ecim, të dalim e të marrim ajër të pastër. Uroj mos të përdorim forcën, nëse mblidhen të gjithë te bulevardi i Elbasanit për Ditën e Verës.
