Një nga policët e eskortës së ish-ministrit të Brendshëm të Italisë, Matteo Salvini, ka rezultuar pozitiv ndaj testit të koronavirusit.
Mësohet se ai dhe pjesa tjetër e stafit janë izoluar në karantinë, që para daljes së rezultateve. Fill pas publikimit të lajmit, Salvini reagoi duke thënë se ndihet mirë, i qetë dhe i gatshëm t’u nënshtrohet të gjitha testeve nëse është nevoja.
“Jam mirë, do të bëj atë që më kërkojnë të bëj. Nuk kam qenë në kontakt me efektivin e policisë, do të bëj gjithçka që autoritetet më kërkojnë të bëj, si çdo qytetar tjetër. Kushdo që arrin të bëjë polemikë edhe për një sëmundje, në disa raste duke arritur të më urojnë edhe vdekjen, nuk meriton përgjigje, maksimumi një buzëqeshje”.
