Pas futbollit italian, koronavirusi prek edhe atë francez. Mbrëmjen e djeshme u anulua edhe ndeshja mes Strasbourgut dhe Paris Saint Germain, e planifikuar për t’u zhvilluar të shtunën në orën 17:30.
Momentalisht është konfirmuar se takimi nuk do të zhvillohet këtë fundjavë, ndërsa mbetet në dilemë data për të rikuperuar sfidën.mVendimi është marrë nga prefektura e zonës dhe shkak është shmangia e grumbullimit të shumë njerëzve në një ambient të limituar, që do të favorizonte përhapjen me shpejtësi të virusit vdekjeprurës.
Ligue 1 nuk do të rrezikojë futbollistët dhe tifozët, prandaj kanë marrë shembullin e Serie A.
