Si pasojë e reshjeve të dendura gjatë gjithë natës dhe në orët e para të mëngjesit janë krijuar probleme serioze në qarkullimin e automjeteve në aksin rrugor Elbasan-Librazhd në segmentin Murrash -Librazhd.
Sipas burimeve zyrtare ka pasur rënie gurësh dhe masive dheu dhe qarkullimi për këtë shkak ja vijuar për dy orë në një korsi duke krijuar trafik. Në segmentin e bllokuar firma kontraktuese po punon për largimin e materialeve të ngurta dhe rikthimin e normalitetit.
Në aksin rrugor Elbasan-Cërrik Mollëgrabovë, në segmentin rrugor Banje Gramsh ka rënie gurësh dhe vërshim aluvionesh. E njëjta situatë paraqitet edhe ne segmentin Kodovjat-Mollëgrabovë ku ka rënie gurësh. Emergjencat Civile kanë kërkuar mobilizim të firmave kontraktuese për marrjen e masave dhe ndërhyrje e shpejtë për normalizimin e situatës. Për evitimin e problemeve janë njoftuar specialistët e Bordit të Kullimit për marrjen e masave dhe normalizimin e situatës.
