Presidenti Ilir Meta ka njoftuar për një tjetër konferencë për mediat, ku do të publikojë ato që ai i cilëson prova të reja për grushtin e shtetit.
Zëdhënësi i presidentit, Tedi Blushi njofton se “Presidenti i Republikës Sh.T.Z Ilir Meta do të japë sot, në ora 12:30 një konferencë për shtyp. PROVA TË REJA PËR GRUSHTIN E SHTETIT.”
Kujtojmë se ditën e hënë presidenti Meta në një konferencë të jashtëzakonshme për mediat akuzoi kreun e KED, Ardian Dvorani se ka shkelur Kushtetutën sa i takon procedurave për emërimet në Gjykatën Kushtetuese. Ai depozitoi dje një kallëzim shtesë me prova të reja në SPAK ndaj Dvoranit, ndërsa paralajmëroi se në këtë shkelje përfshihen dhe të tjerë persona, por pa përmendur emra.
