Rusia evakuoi qytetarët e saj nga epiqendra e shpërthimit të koronavirusit këtë muaj, dhe mësohet se bëhet fjalë për më shumë se 140 njerëz të cilët udhëtuan nga nga Kina përmes një klinike karantine për në qytetin Siberian Tyumen.
Të izoluar nga pjesa tjetër e botës derisa të konfirmohen të jenë pa infeksione, ata lejohen të qëndrojnë në rrjetet sociale të lidhur me miqtë, të dashurit dhe njerëzit e tjerë të mbajtur në karantinë në të gjithë botën.
Por Inna Savintseva dhe Daniil Parfenovich kanë gjetur një lidhje të re – njëri me tjetrin.
Në një histori që tingëllon si komploti i një filmi indie, Savintseva dhe Parfenovich, të dy 18 vjeç, u takuan ndërsa prisnin avionin e tyre të evakuimit në aeroportin në Wuhan, qyteti në qendër të shpërthimit të epidemisë. Savintseva ishte në Kinë si një gazetare e muzikës dhe Parfenovich ishte aty si student.
Të dy filluan të flasin, duke zbuluar një dashuri të përbashkët për muzikën dhe teknologjinë, si dhe kiminë.
“Ajo më foli për muzikën, unë u përgjigja duke folur për skulptura dhe plane të bukura për jetën, dhe sytë tanë u ndezën dhe zemrat tona filluan të rrahin më shpejt para syve të njëri-tjetrit,” tha Parfenovich për The Moscoë Times.
Parfenovich tha që mjekët e karantinës nuk kishin asnjë problem me këto takime. Por për shkak se Savintseva është izoluar me një sëmundje të veçantë, Parfenovich nuk ka qenë në gjendje ta shohë atë ditët e fundit dhe të dy do ta kalojnë Ditën e Shën Valentinit së bashku, tha ai. Ai i ka blerë asaj një byzylyk që mjekët do t’ia dorëzojnë sot.
Savintseva nuk ishte në gjendje të fliste me The Moscoë Times për shkak të shëndetit të saj, por ajo nga testimet ka dalë negative për koronavirus. Rusia ka pasur vetëm dy raste të konfirmuara të koronavirusit, të dy ishin shtetas kinezë ndërsa fatmirësisht janë shëruar.
“Ne donim të ishim bashkë për Shën Valentinin, por për fat të keq nuk funksionoi … por ne jemi të lumtur me gjithçka tjetër,” tha ai.
Dyshja pret që të dalin në ditët në vijim, dhe Parfenovich thotë se ata planifikojnë të qëndrojnë në Tyumen dhe të eksplorojnë qytetin së bashku pasi të jenë jashtë.
Pas kësaj, është e paqartë se çfarë do të ndodhë. Savintseva është me origjinë nga rajoni i Kirov në Rusinë qendrore, ndërsa Parfenovich është nga qyteti Siberian i Krasnoyarsk rreth 3.200 kilometra larg.
“Deri më sot ne komunikojmë mirë, dhe unë e mbështes atë ndërsa e lëmë të tregojë pavarësinë e saj – është mënyra e vetme,” tha Parfenovich.
