Delegacioni i Komisionit të Venecias këtë të hënë ndodhet në Tiranë, në kuadër të Paketës Anti-Shpifje dhe për shkarkimin e presidentit Meta, ku do të zhvillojë një sërë takimesh me zyrtarë të lartë të politikës, por edhe me përfaqësues të Autoritet të Medias Audiovizive.
Delegacioni takimet e tij do ti nisë me zv.kryeparlamentaren Vasilika Hysi në kryesinë e Kuvendit e më pas me kryetarët e grupeve parlamentare në Kuvend.
Mësohet se katër përfaqësuesit e Venecias kanë mbërritur në kryesinë e Kuvendit ku do të nisin takimin me Vasilika Hysin. Gjithashtu bëhet me dije se ditën e martën përfaqësuesit e Komisionit të Venecias të takohen me presidentin Ilir Meta.
