Organizatës terroriste ISIS në Siri dhe Irak, iu bashkuan 100 shqiptarë dhe mësohet se një pjesë e të cilëve janë rikthyer në vend, pritet t`i nënshhtrohen një mbikqyrje të specializuar nga autoritetet tona.
Drejtori i qendrës së ekstremizmit të dhunshëm, Agron Sojati bëri të ditur shifrën e tyre. Sojati gjatë fjalës së tij në një tryezë me përfaqësues të OSBE u deklaroi se “Rreth 1000 shtetas të Europës juglindore nga të cilët mbi 100 shqiptar iu bashkuan luftës në Siri dhe Irak duke iu atashuar ISIS-it dhe Al Nusrës dhe aktualisht mbi 500 prej tyre janë në proces kthimi.
“Shqipëria ëshë në përfundim të planit të veprimit për pjesën e anëtarëve që pret të kthehen dhe të riintregrohen”, mbylli fjalën e tij Sojati.
Ambasadori i OSBE-së, Bernad Borchardt vuri theksin te gjendja e burgjeve në Shqipëri në kuadër të ekstremizmit.
“Përmes bashkëpunimit të vijueshëm, burgjet e Shqipërisë mund të bëhen baza për moderim dhe deradikalizim. Ne mbetemi të gatshëm të vijojmë të mbështetim autoritetet përkatëse në parandalimin dhe luftën kundër ekstremizmit të dhunshëm në burgje dhe në shërbimin e provës, përmes një qasjeje të integruar”, u shpreh Kryetari i Prezencës së OSBE-së.
Messi është lojtari më i madh i të gjitha kohërave –
Karim Benzema, tashmë pjesë e Al-Hilal, ka treguar shumëçka, madje duke u ndalur edhe te mardhënia me “rivalin” e dikurshëm...
