U kthye nga Kina, ku studion prej tre vitesh. Studentja Lorela Shelegu ka ikur më përpara se të përhapej koronavirusi. Ajo është vizituar tek mjekët në Shkodër dhe nuk ka rezultuar me ndonjë problem.
Lorela është studente në degën e arkitekturës, ndërsa ka kryer dy vite deri më tani, sepse vitin e parë mësoi gjuhën.
Studentja thotë se për momentin universiteti në qytetin e Tianjin (Janxhin) ka shtyrë procesin mësimor dhe nuk ka një datë se kur duhet të kthehen. Qyteti Janxhin, edhe pse është 1600 kilometër larg Wuhan ka disa të infektuar nga koronavirusi.
“Frika e koronavirusit edhe për shqiptarët e tjerë që jetojnë në Kinë është e madhe. Mediat e kanë ekzagjeruar pak më shumë. Shteti është në gatishmëri, i kanë marrë masat. Unë komunikoj me ata. Ka shumë studentë dhe njerëz që punojnë në Kinë dhe shqetësimi është i madh.Kemi grupe komunikim me shqiptarë që jetojnë në Kine. Ambasada Shqiptare ka marrë masa për të komunikuar. Jemi drejtuar dhe tek ambasada. Disa studentë janë kthyer disa janë atje. Të gjithë kanë bërë teste dhe kanë dalë mirë.”, thotë studentja shkodrane, por janë marrë të gjitha masat.
