Mbrëmjen e djeshme një 62-vjeçar humbi jetën në Durrës, pasi ra nga kati i dytë i një objekti ku ishte i punësuar si roje.
Dyshimet e para janë se 62-vjeçari mund të jetë trembur nga tërmeti i cili goditi vendin tonë mbrëmjen e djeshme dhe nga pakujdesia të ketë rënë nga kati i dytë i objektit.
Lidhur me ketë ngjarje, policia ka arrestuar dy persona, administratorin e firmës dhe inxhinierin e firmës që ndërton objektin.
“Policia e Durrësit, menjëherë pas njoftimit të marrë se një shtetas kishte rënë aksidentalisht nga kati i dytë dhe për pasojë humbi jetën, menjëherë ka kryer gjithë veprimet hetimore, në bashkëpunim me prokurorinë dhe në përfundim të veprimeve, specialistët për Hetimin e Krimit bënë arrestimin në flagrancë të shtetasve: A. J., 47 vjeç, banues në Durrës, administratori i firmës dhe E. R., 43 vjeç, banues në Durrës, inxhinier i firmës që ndërton objektin. Këta shtetas akuzohen për shkelje të rregullave në punë, pasi më datë 28.01.2020, rreth orës 23:18, në një objekt në ndërtim, humbi jetën aksidentalisht shtetasi Th. R., 62 vjeç, i punësuar si rojë pranë këtij objekti”,-deklaron Policia.
