Një ngjarje e rëndë ka ndodhur në Suedi, ku një 25 vjeçar shqiptar me origjinë nga Mitrovica është ekzekutuar në mënyrë mafioze.
Raportohet se ngjarja ka ndodhur në në qytetin Kristianstad ku u qëllua me armë 25-vjeçari me inicialet A.B. I riu u transportua menjëherë në spital por nuk mundi t’i mbijetojë plagëve.
Të afërmit e tij duke folur për mediat në Kosovë kanë pranuar faktin se 25-vjeçari kishte një konflit, por pa dhënë informacione të mëtejshme.
Motivi i vrasjes mbetet ende mister ndonëse të afërmit e 25 vjeçarit kanë pranuar faktin se viktima ishte i përfshirë në një konflikt.
“Ne jemi duke vlerësuar vazhdimisht se çfarë burimesh duhet të kemi në vazhdim. Asnjë i dyshuar nuk është arrestuar. Nuk mund të themi shumë për këtë çështje. Shpesh ka ekzaminim teknik në vend. Ne jemi në kërkim të dëshmitarëve”, kanë thënë autoritetet suedeze.
