Kanë kaluar dy muaj nga tërmeti tragjik i 26 nëntorit ndërsa banorët e Durrësit janë ende në mëshirë të fatit pa asnjë banesë për të futur kokën.
Disa prej tyre kanë vendosur të kthehen pranë banesave të rrënuara pasi ankohen se nuk kanë marrë bonusin e qirasë, ndërsa të tjerë thonë se nuk është bërë ende vlerësimi i dëmeve.
Ata enden nga zyra në zyrë. Shtëpitë u janë shpallur të pabanueshme, por në pamundësi strehë rikthehen të jetojnë aty.
Ndonëse që prej të hënës ka hyrë në fuqi platforma online ku banorët mund të aplikojnë dëmet e shkaktuara në banesat e tyre, qytetarët durrsakë shprehen se kjo është një sfidë më vete. “Unë nuk di të aplikoj. Le të vijë një inxhinier të masë të shikojë dhe ta bëjë punën”, tha një prej banorëve.
Video e siguruar nga AbcNews:
https://youtu.be/gHcoWIagcL0
