Vilson Noka, i cili njihej edhe me emrin Tafciu, 28 vjeç gjeti vdekjen mbrëmjen e djeshme në zonën e Astirit në Tiranë nuk është i panjohur për policinë.
Mësohet se Vlison Tafciu (Noka) ka ikur nga Shqipëria në 7 mars të 2018 në Francë. Në 12 mars të 2018 e kanë arrestuar po në Francë për shpërndarje të lëndëve narkotike. Pasi ka kryer 8 muaj burg, në 6 nëntor të vitit 2018 është deportuar nga Franca për në Shqipëri.
Ndërkohë policia ka njoftuar se viktima Vilson Tafciu (Noka), është qëlluar nga autorë ende të paidentifikuar me 3 plumba, duke e lënë të vdekur në vend.
Policia është duke hetuar në dy pista, në atë të së kaluarës së viktimës, por nuk përjashtohet mundësia që ngjarja të ketë ardhur edhe për shkaqe xhelozie.
