Partia Demokratike i ka kërkuar sot zyrtarisht Prokurorisë së Përgjithshme verifikimin e të kaluarës kriminale të kryebashkiakut të Matit, ish-gardistit Agron Malaj. Ky është kryebashkiaku i pestë i denoncuar nga PD pas 30 qershorit.
“Agron Malaj i Bashkisë së Matit, është i dënuar me vendim gjyqësor të formës se prerë për “armëmbajtje pa leje” . Rasti i pestë pas Shkodrës Vorës, Vaut të Dejës”, deklaroi sekretari i përgjithshëm i PD-së Gazment Bardhi para mediave.
“Sot PD i ka kërkuar zyrtarisht prokurorisë verifikimin e të kaluarës kriminale të Edi Ramës së Matit. Agron Malaj i dënuar me vendim gjyqësor të formës së prerë për armëmbajtje pa leje dhe i ndalohet kandidimi përjetë për një funksion publik. PD i kërkon Prokurorisë së Përgjithshme dhe më pas KQZ të veprojë pa asnjë vonesë për administrimin e vendimit zyrtar të gjykatës së Matit dhe heqjen e mandatit për kreun e bashkisë së Matit Agron Malaj”, tha Bardhi.
https://www.facebook.com/partiademokratike/videos/3060799177287620/?t=1
