Mediat në SHBA bëjnë të ditur se aeroplani me 176 pasagjerë i rrëzuar ditën e sotme në Teheran është qëlluar me raketa tokë-ajër.
Sipas burimeve irakene dhe amerikane mësohet se aeroplani i kompanisë ajrore ukrainase Boeing 737 është qëlluar gabimisht.
Aeroplani u rrëzua vetëm tre orë e gjysmë pasi Irani lëshoi një sërë raketash në drejtim të dy bazave amerikane në Irak.
Inteligjenca amerikane arriti të dallojë dy raketa të lëshuara, mendohet të modelit SA-15, përpara se aeroplani të rrëzohej.
Të 176 pasagjerët humbën jetën, ndërsa Irani refuzon të dorëzojë kutinë e zezë.
