Një aksident i rëndë ka ndodhur dy ditë më parë në qytetin e Vlorës, aty ku një qytetar është përplasur nga një mjet tip Smart teksa kalonte vijat e bardha.
Ngjarja ka ndodhur në datë 23 dhjetor, në orën 20:09 të mbrëmjes, ndërsa autori-drejtues i mjetit që shkaktoi aksidentin nuk është gjetur ende nga Policia. Sipas denoncimit të mbërritur në redaksinën e newsbomb.al, familjarët e personit të aksidentuar i cili fatmirësisht është jashtë rrezikut për jetën, shprehen se Policia e di kush është autori i aksidentit por deri tani nuk e kanë ndaluar.
Ngjarja ka ndodhur mbrëmjen e 23 dhjetorit në vendin e quajtur “Kryqëzimi te Rinia”, pranë Teatrit “Petro Marko”, ndërsa më herët është raportuar sikur ngjarja ka ndodhur në zonën e Skelës.
Video e mëposhtme tregon momenin kur mjeti tip Smart, ngjyrë e bardhë përplas personin që është duke kaluar te vijat e bardha dhe largohet.
