Papa Françesku i priti Krishtlindjet me një mesazh: “Zoti i do të gjithë, madje edhe ata më të këqijtë prej nesh”.
Kreu i Kishës Katolike po fliste me mijëra njerëz gjatë Meshës në prag të Krishtlindjes në Bazilikën e Shën Pjetrit në Vatikan.
“Ju mund të keni ide të gabuara, mund të bëni plot gabime … por Zoti vazhdon t’ju dojë”, tha Papa argjentinas.
Më vonë gjatë ditës, Papa do të kthehet në Bazilikën e Shën Pjetrit për të dhënë mesazhin tradicional të asaj që është njëra prej ditëve më të shënuara të kalendarit të krishterë.
