Pasi kryeministri Edi Rama prezantoi paketën anti-KÇK, ka reaguar nënkryetari i PD-së Edi Paloka.
Përmes një postimi në Facebook, Paloka ironizon praninë e deputetit të PS-së Rrahman Rraja në sallën ku fliste Rama, ndërsa shkruan se ky i fundit i shpjegonte socialistit se si do e luftojë krimin.
REAGIMI I PALOKËS
Rama i shpjegon Rrajes se si do luftojë krimin!!!
Do të ishte një “Stand up comedy” nëse ai që po jep “shfaqje” prej orësh, nuk do të ishte në karrigen e kryeministrit të vendit të cilin ai dhe askush tjetër e ka kthyer në parajsën e krimineleve dhe oligarkëve.
Në fakt edhe sot komentet janë të tepërta, mjafton të shohësh “auditorin”. Rama po i shpjegon Rrahman Rrajes se si do të zhdukë foletë e krimit…ndërkohë që nipi i Rrajës akuzohet për atentat ndaj një prokurori (të kërcënuar nga Rama) dhe i biri për përdhunim.
