Avokati mbrojtës i ish-kryebashkiakut të Vorës Agim Kajmaku bën me dije se nuk ka informacion për vendodhjen e klientit të tij, i cili është shpallur në kërkim nga policia.
Për ‘’ABC News’’, Isuf Shehu saktëson se ka hartuar një prokurorë për të mbrojtur interesat e klientit të tij, për të cilin Gjykata e Apelit të Tiranës nuk ndryshoi masën ‘’arrest me burg’’.
‘’Nuk e di kundodhet, nuk kam komunikuar me të. Kam prokurorë të posaçme të mbroj interesat e tij’’, deklaron Shehu.
Ai është shpallur në kërkim nga policia që prej 11 nëntorit për akuzat e ‘’shpërdorimit të detyrës’’, ‘’ushtrimit të kompetencave në përfundim të mandatit’’ si dhe për ‘’manipulim të formularit të dekriminalizimit’’, duke fshehur dënimin e tij në Greqi për falsifikim parash.
Kajmaku ndodhet pre mëse 20 ditësh në arrati, ndërsa autoritetet e drejtësisë caktuan masën ‘’arrest me burg’’ pasi KQZ-ja i hoqi mandatin e kryebashkiakut të Vorës në 1 nëntor.
