Një ditë para se Gjykata Administrative e Apelit të japë vendimin për Kopshtin Botanik, studentë dhe pedagogë të Fakultetit të Shkencave të Natyrës, kanë bojkotuar mësimin në shenjë proteste.
Mësohet se gjatë ditës së neserme studentët do të marshojnë drejt Gjykatës Administrative.
“Ky fakultet nuk na shërben vetëm ne por edhe studentëve të Botanikës që vijnë nga Shkodra apo Vlora. Ai është një labarator për bimërt endemike që janë drejt zhdukjes”, tha një pedagog. “Do vijojnë protestat mbase edhe me greva”, tha një tjeter pedagog.
Vendimi i Këshillit të Ministrave sipas pedagogëve bie në kundërshtim me ligjin për Arsimin e Lartë. Ata shprehen se do ta kundërshtojnë me çdo mjet.
