Në studion e emisionit “ABC-ja e mëngjesit” zonjusha Evis Sulejmani ka rrëfyer se si mundi kancerin e gjirit.
Sulejmani thotë se për gati 1 vit e gjysëm asaj iu desh të luftonte me këtë sëmundje, ku iu nënshtrua operacioneve dhe kimoterapive. Ajo rrëfen se gjatë këtyre muajve iu desh të përballej edhe me rënien e flokëve, për të cilat ajo shprehet se nuk ka vendosur paruke, pasi është diçka estetike dhe për të nuk ka qënë e vështirë.
Ndërkohë, doktori Helidon Nina, Shef i Shërbimit të Kirurgjisë në Spitalin Onkologjik në QSUT, tha se gjatë 5 viteve të fundit në Shqipëri kemi një përmirësim të uljes së vdekshmërisë nga kjo sëmundje, për faktor të ndryshëm duke filluar që nga trajtimet që janë futur, mënyra e kurimit dhe stafet e bluzave të bardha.
