Një aksident i rëndë në vendin e punës ka ndodhur pasditen e sotme në zonën e ByPass-it në Fier.
Mësohet se 18 vjeçari Mateo Koza nga Tepelena, ka humbur jetën pasi është shtypur nga rruli që punonte në ndërtimin e segmentit. Mateo Koza ishte punëtor në këtë segment.
Informacion paraprak i Policisë:
Sot rreth orës 16:15, në Bypassin e Fierit, në afërsi të fshatit Pojan, shtetasi K.N, 41 vjeç, banues në Memaliaj, duke drejtuar mjetin tip “Rrul” që ngjesh asfaltin, ka goditur shtetasin M.K, 18 vjeç, banues në Tepelenë (punëtor) i cili ka gjetur vdekjen e menjëhershme.
Në vendengjarja ka shkuar grupi hetimor dhe po punon për zbardhjen e plotë të saj.
