Pas zhgënjimit të madh me Kristian Panuçin, presidenti i Federatës është bindur se ka bërë zgjedhjen e duhur edhe për të ardhmen.
Federata Shqiptare e Futbollit bën me dije se Duka dhe Reja do të takohen për të formalizuar marrëveshjen për rinovimin e trjanerit përpara ndeshjeve të nëntorit, që do të mbyllin edhe eliminatoret e Euro 2020.
Rinovimi përshpejtohet edhe për faktin se ka pak detaje për t’u sheshuar në kontratën e re. E lehtë do të jetë gjetja e gjuhës së përbashkët sa i përket financave, ndërsa kohëzgjatja është e përcaktuar, deri në fund të eliminatoreve të Botërorit 2022.
Rinovimi i Edi Reja duket si zgjidhja më e mirë për Kombëtaren, e cila ka nisur një process rinovimi dhe dora e teknikut italian është e dukshme.
