Presidenti i vendit Ilir Meta është pritur sot në një takim zyrtar nga Presidenti i Parlamentit të Estonisë, Henn Polluaas.
Lajmin e bën të ditur vetë presidenti Meta me anë të një postimi në rrjete sociale.
Gjatë takimit mes tyre u theksua rëndësia e bashkëpunimit ndërparlamentar dhe domosdoshmëria për ta forcuar atë.
“Pata kënaqësinë të takohem sot me Presidentin e Parlamentit të Estonisë, z. Henn Polluaas, një personalitet i shquar. Theksuam rëndësinë e bashkëpunimit ndërparlamentar dhe domosdoshmërinë për ta forcuar atë. E falenderova për interesin e treguar për Shqipërinë dhe për qëndrimin e palëkundur në mbështetje të integrimit të Ballkanit Perëndimor në Bashkimin Europian. Ndamë vlerësimin se dy popuj me histori dhe vlera të ngjashme, kanë një bazë solide për të patur marrëdhënie miqësore e të shkëlqyera”, shkruan kreu i shtetit në Facebook.
