Banorët e Levanit dhe fshatrave përrreth kanë dalë sot në protestë për shkak të mungesës së ujit të pijshëm.
Ata shprehen se e paguajnë më shumë se 2 mijë lekë të reja ujë në muaj, por ai që vjen në banesat e tyre nuk është i pijshëm për shkak të pranisë së madhe të ndryshkut.
“Këtu ka 6 vite dhe nuk është bërë asnjë invetim, paguajmë ujë dhe blejmë ujë për të pirë. Uji vjen gjithë ndryshk, na çojnë vetëm një gjysmë ore gjumë, paguajmë ajrin, se uji nuk na vjen”, shprehet një prej banorëve.
“Po na ndajnë si në kohën e Enverit, ne nuk jemi në Dragobi, jemi vetëm 8 kilometra larg qytetit të Fierit. Taksat a na i kanë marrë, ujë paguajmë dhe ujë nuk kemi. Ku është shëndetësia e Fierit, pse na trajtojnë si në Orosh të Mirditës, ne jemi Levan, nuk jemi në Dragobi”, shprehet një prej qytetarëve.
https://www.facebook.com/faxweb.al/videos/475930386470177/?t=5
