Ministrja e Mbrojtjes Olta Xhaçka ka bërë bilancin e vatrave të zjarrit në mbarë Shqipërinë.
Me anë të një statusi në “Facebook”, Xhaçka shprehet se 324 vatra zjarri u shënuan në vend, ndërsa ka nënvizuar se ekipet e ndihmës kanë bërë maksimumin.
Postimi i Olta Xhaçkës:
Pavarësisht punës së jashtëzakonshme të Emergjencave Civile, Forcave te Armatosura, zjarrfikësve dhe ndihmës së qytetarëve të shumtë që na u bashkuan si vullnetarë, korriku dhe gushti shënuan një numër të pazakontë zjarresh. 324 vatra zjarri në mbarë territorin e vendit, 1900 ha pyje, toka bujqësore, kullota, nga zjarre që në 99% të rasteve kanë ardhur jo nga temperaturat e larta, por nga zjarrvënia e qëllimshme!
Vazhdojmë të jemi në krye të detyrës për të mbrojtur pronën publike e private, e mbi të gjitha jetën e qytetarëve. Ligji do të veprojë me ashpërsinë më të madhe ndaj autorëve të këtyre akteve që rrezikojnë të mirën tonë të përbashkët.
