Aktivisti Aulon Kalaja, deklaroi se në këtë vend nuk ka institucione, por ka mbetur vetëm opozita që denoncon.
I ftuar në Fax News duke folur për aktualitetin politik, Kalaja u shpreh se denoncimet dhe përballjen me krimin në këtë vend e ka bërë dhe po e bën vetëm opozita.
“Nuk kemi prokurori që të vendosë në lëvizje strukturat e saj për të hetuar dosjet për shit-blerjen e votes, apo për kryetaret e bashkive të emëruar nga Rama, të cilët janë me precedentë penale dhe rekorde kriminale. Denoncimet dhe përballjen me krimin në këtë vend e ka bërë dhe po e bën vetëm opozita. Në një vend normal dhe me një prokurori normale, do duhej të ishte kjo e fundit që të fillonte hetimet, duke u nisur nga deklarata publike, denoncime, indicie mediatike. Hetimi dhe hapja e çështjeve kryesisht do duhej të ndodhte sa i takon 19 kryebashkiakeve të emëruar nga Rama, të cilët kanë rekorde kriminale dhe kanë përgjegjësi penale, politike dhe publike. Prokuroria jo vetëm që nuk kishte nisur hetim ndaj tyre, por ka bërë gjithçka për të penguar hetimet dhe është kujdeaur që të mos u hyje gjëmb në këmbë të besuarve të Ramës, duke falsifikuar dokumente dhe duke mos kërkuar bashkëpunim nga shërbimet partnere, ose nga vendet perëndimore kur kryetarët komiteteve ekzekutive kanë bërë krime. Opozita është i vetmi aset denoncues, që po bën dhe rolin e prokurorisë.“- u shpreh Kalaja.
