Kryeministri Edi Rama ka inspektuar punimet në rrugën hyrëse në Maliqit.
Rama u shpreh se qeveria po mendon edhe për ndryshimin rrënjësor të qyteteve në jug-lindje të vendit.
“Hyrja e Maliqit ka ndryshuar totalisht, nga një rrugë gropash, ferr shumëvjeçar për drejtuesit e mjeteve, drejt përfundimit si një rrugë me standarde optimale në vazhdën e Rilindjes Urbane”, tha Rama.
Zyrtarë lokalë në Maliq thanë se po shikojnë si mundësi që me vendim të Këshillit Bashkiak të mund të bashkojnë Maliqin me Lubonikun, për shtrirje më të gjerë të qytetit të Maliqit.
