Gjykata e Tiranës ka dhënë masën e sigurisë për të arrestuarit që falsifikonin biletat dhe abonetë mujore në linjat e transportit urban në Tiranë.
Dy prej të akuzuarve janë lënë në burg, ndërsa për pjesën tjetër gjykata ka vendosur masën e sigurisë “arrest shtëpie” dhe “detyrim paraqitje”.
Janë dënuar me burg shtetasit Lulëzim Allaraj dhe Aldi Duka, arrest shtëpie Fatos Vrapi, Albana Vrapi, Klodian Qato, Ferdinand Ibrahimi dhe Anastas Ibrahimi ndërsa detyrim paraqitje shtetasja Evisa Vora, 33 vjeçe.
Të paktën për tre muajt e fundit operatorët e transportit publik të linjave kryesore në kryeqytetit kanë operuar me bileta të falsifikuara duke i përfituar të ardhura të konsiderueshme dhe duke shkaktuar një dëm të rendë ekonomik.
Prokuroria e Tiranës ka mundur të zbardhë skemën që e vuri në pranga administratorët kryesorë të linjave urbane që akuzohen për fshehje te ardhurash, dhe falsifikim te letrave me vlerë.
Kanë qenë inspektorët tatimore që kanë konstatuar fillimisht shkeljen duke ia referuar policisë.
Tatimorët kanë kryer një kontroll në linjat urbane pasi nga Shtypshkronja e Letrave me Vlerë ishin vënë në dijeni se biletat që përdoreshin në këto linja nuk prodhoheshin nga kjo shtypshkronje.
