Gjykata e Tiranës la në burg një nga dy të arrestuarit për tragjedinë ku mbetën të vdekur dy punonjës gjatë çmontimit të një skele.Ndërkohë, për personin tjetër është caktuar “arrest në shtëpi”.
Kontretisht, në burg u la Ilir Bendo, drejtues teknik në skelën “Syla”. Arrest në shtëpi gjykata caktoi për Xhimi Tarushit, administrator i kompanisë “Xhimi”.
Ngjarja e rëndë ndodhi më 16 gusht, kur të rinjtë që ndodheshin mbi skelat e firmës “Skela Syla”, ranë nga lartësia e katit të gjashtë, pas shembjes së saj nga mungesa e sigurisë.
Orjan Kodra, 36 vjeç, dhe Ergys Brahimi, 31 vjeç, humbën jetën, ndërsa të plagosur mbetën punëtorët Gentian Bardhi, 44 vjeç, Euglidios Lika, 34 vjeç, dhe Altin Marku, 40 vjeç, të cilët aktualisht ndodhen jashtë rrezikut për jetën në Spitalin e Traumës.
