Një nënë shqiptare, 26-vjeçare ka ndërruar jetë teksa bënte plazh me vajzën e saj 6-vjeçare në Metaponto.
Mësohet se e mitura është jashtë rrezikut për jetën, ndërkohë që 26-vjeçarja, emri i së cilës nuk bëhet ende i ditur, nuk mundi dot të shpëtonte.
Sipas mediave italiane, ndonëse rojet e plazhit u përpoqën t’i shkonin menjëherë në ndihmë, ndërhyrja rezultoi pa sukses.
Vajza u dërgua me urgjencë në spital, ndërkohë që po kryhet autopsia e trupit të së ndjerës për të mësuar dinamikën e ngjarjes dhe për të mësuar shkaqet e ndarjes nga jeta.
