Të paktën 14 viktima janë shënuar ditën e sotme pas përplasjes s besimtarëve myslimanë me forcat e policisë së Izraelit.
Sulmi ndodhi pas lutjeve në Jerusalem pranë xhamisë Al-Aksa me rastin e festës së Kurban Bajramit.
Autoritetet kanë deklaruar se katër policë janë plagosur gjatë përplasjes me besimtarët. Dëshmitarët deklaruan që së paku dy persona janë arrestuar.
Sipas raportimeve, mijëra myslimanë janë drejtuar për te lokacioni i shenjtë në qytetin e vjetër të Jerusalemit në mëngjesin e së dieles për të kryer lutjet për Festën e Kurban Bajramit.
Por e diela është poashtu ditë e shënuar për hebrenjtë pasi është “Dita e vajtimit” për dy tempuj biblik që kanë qenë në kohërat antike në këtë lokacion.
