Sulmeve të ish-kryetares së Kuvendit, Basha i është përgjigjur prerë: Je e paskatë!
Ish-kryetarja demokrate e Kuvendit, Jozefina Topalli, ka sulmuar sot kryetarin e PD-së, Lulzim Basha, për një opozitë të dobët me reagime të vonuara për situatën politike në vend. Burime nga grupi parlamentar thanë për 27.al se, Topalli i ka kërkuar Bashës shpjegime lidhur me çështjen e hetimit të CEZ.
“Çfarë ju ka penguar ta kërkoni këtë hetim nëntë muaj më parë? Pse u deshën nëntë muaj që të arrijmë në këtë përfundim se u dashka hetimin për CEZ… Çfarë fshihet pas kësaj heshtje nëntë mujore?”, ka pyetur Jozefina Lulin. Ky i fundit është përgjigjur shkurt dhe prerë: Po mblidhnim fakte.
Një tjetër sulm ku është përqendruar Topalli ishte edhe ai për denoncimin ndaj Shullazit. Topalli ka pyetur sërish kryetarin Basha pse Berisha denoncon gjithmonë dhe i pari, Shullazin?
Në përgjigje të kësaj pyetje Basha është përgjigjur: “Je e pasaktë! E kemi denoncuar gjithmonë.”
Topalli: “Po, por gjithmonë, pasi e ka denocnuar Berisha.”
“Presupozohet që ti do të jesh kryeministër i ardhshëm dhe duhet t’i dalës për zot qëndrimeve që i takojnë një kryetari partie”, mësohet të ketë thënë Topalli.
