Një tjetër tërmet i fuqishëm ka tronditur mëngjesin e sotëm ishullin e Kretës.
Sipas Institutit Gjeodezi, tërmeti ka qenë me magnitudë 5.3 ballë i shkallës Rihter me epiqendër 31 kilometra në juglindje të Heraklion dhe thellësia fokale në 170 kilometra.
Fatmirëisisht sipas guvernatorit rajonal të ishullit, Stavros Arnooutakis, nuk janë rregjistruar lëndime në njerëz apo dëm material.
“Kam folur edhe me kryetarin e Komunës së Anogjisë dhe nuk ka dëmtime. Më shumë u ndje në Heraklion. Ishte e shkurtër, 5-6 sekonda. Kam bërë një seri thirrjesh telefonike. Nuk ka asnjë shqetësim apo dëmtim”, tha Stavros Arnaoutakis.
Kujtojmë, që Greqia është tronditur nga disa tërmete ditët e fundit, që kanë goditur Athinën, Selanikun dhe zona të tjera.
