Shembet ndërtesa tek “Arena Kombëtare”, hapësira do të shërbejë për parkim

Një ndërtesë katër katëshe është shembur në Tiranë, para stadiumit “Arena Kombëtare”.

Ndërtesa ndodhet ekzaktësisht tek sheshi “Italia”, ndërsa është ndërtuar disa vite më parë. Shembja e ndërtesës vjen pak para hapjes së “Arenës Kombëtare”, në të cilën ndeshje pritet të zhvillohen në shtator.

Me shembjen e saj tashmë do të lirohet hapësira para stadiumit të ri, ku është planifikuar të shërbejë për parkim. Mësohet se shembja është bërë me anë të fadromave dhe jo me shpërthim të telekomanduar.