Sapo ka përfunduar procesi i numërimit të votave edhe në Bashkitë e Krujës dhe Pogradecit.
Sipas rezultateve përfundimtare nga KZAZ-të përkatëse mësohet se në Krujë ka rezultuar se në total kanë qenë 18 636 vota, 748 prej të cilave, të pavlefshme. Edhe kjo shifër votash ka mospërputhje me nurmin e votuesve të raportuar dje nga KQZ-ja.
Ndërkohë e njëjta situatë paraqitet edhe për bashkinë e Pogradecit edhe atje ka përfunduar provcesi i numërimit të votave. Nga 18 188 vota të gjetura brenda kutive të votimit kandidati I vetëm në radhët e socialistëve ka marrë 17 298 vota ku pjea tjetër prej 890 votave kanë dalë të pavlefshme.
Ndërkohë kujtojmë se KQZ dje raportoi për se kishin marrë pjesë 17 655 qytetarë në votime, duke rezultuar në një diferencë prej 533 votash me votuesit.
