Ish drejtuesi i lartë i Policisë, Shemsi Prençi ka komentuar përgjimet e publikuara në Bild, duke zbuluar edhe lidhjet familjare të Ulsi Manjës me Astrit Avdylajn.
Ai shprehet se Manja ka detyrime jo vetëm partiake me Avdylajt por edhe miqësore.
Sipas Premçit, Ulsiu është kapur edhe në përgjime të tjera, që nuk janë vetëm në duart e Peter Tiede por edhe mediave të tjera.
“Shansi ka qenë që këto përgjime të përfundojnë në duart e Peter Tiede. Sipas informacioneve që kam, janë edhe në duart e mediave të tjera. Kopje të disqeve të dosjeve 184 dhe 339 i kanë edhe të tjerë.
Në dijeninë time, për Dibrën, jo pa qëllim i pari që leh është Ulsi Manja. Ai është i implikuar. Tregohet gjakftohtë, por nga tipi që ka shpërthen e nxjerr të vërtetën. Pas gafës që bëri me Shukriun në 2015, në 2016 e kanë përzënë me shpulla. Por kur vjen puna te përgjimet, Ulsiu reflekton shumë. Por Ulsiu ka lidhje edhe me Durrësin, me Astrit Avdylin. Nusja e tij dhe nusja e vëllait të Ulsit janë kushërira të para (vajza tezesh). Ka detyrim miqësor, jo detyrim partie. Por Ulsiu është në konflikt të pastër interesi. Edhe ndikimi që ka bërë për emërimin e prokurores së përgjithshme. Sa i përket përgjimeve në Dibër, Ulsiu personalisht ka edhe të tjera”, u shpreh Premçi nga studio e Syri.net.
