Ish-kryetari i KQZ-së, Ilirian Celibashi ka deklaruar se Presidenti Ilir Meta nuk mund të shkarkohet nga detyra.
I ftuar ditën e sotme në “Top Talk”, Celibashi sqaroi se Meta me zhdekretimin e datës 30 qershor për zgjedhjet vendore nuk ka shkelur Kushtetutën.
“Dekreti për anulimin e zgjedhjeve qartësisht është në mungesë të kompetencave të Presidentit të Republikës. Por gjithsesi, ky nuk është rasti për të ndërmarrë këtë vendim. Edhe nëse Gjykata Admistrative, apo edhe ajo Kushtetues do ta cilësonte si një shkelje të Kushtetutës aktin e Metës, në gjykimin tim nuk do ta cilësoja si një shkelje të rëndë’- është shprehur Celibashi.
