Kryetari i opozitës Lulzim Basha në një dalje për median komentojë përgjimet e reja të publikuara nga Bild.
Basha deklaroi se përgjimet e publikuara nga Bild dëshmuan edhe një herë metodat e vjedhjes votës nga Rilindja e Edi Ramës.
“Në Shqipëri janë vjedhur të gjitha zgjedhjet që ka zhvilluar Edi Rama. Ky është përfundimi që del nga përgjimet e BILD dhe skandalet e tjera. Përgjimet na kanë dëshmuar skemën, përmasat dhe metodat. Kupola e Rilindjes në krye të PS-së nuk ka bërë asnjë dallim mes kriminelëve që ka përdorur. Ata kanë bashkëpunuar me trafikantë droge, qeniesh njerëzore, me vrasës, grabitës. Ata kanë blerë vota me para në dorë, kanë kërcënuar qytetarë për të votuar kandidatët e tyre, kanë ndëshkuar ata që nuk janë bindur. Çdo mjet i dhunshëm është përdorur pa asnjë kufizim. Ajo që dëshmojnë përgjimet e Bild është që aleanca ka përdorur administratën për vjedhjen e zgjedhjeve, nga drejtorët te punonjësit e thjeshtë.
Me vjedhjen e zgjedhjeve, aleanca rilindje-krim ka përfshirë të gjitha nivelet nga kryeministri te cdo ministër e deputet. Edi Rama është timonieri i vjedhjes së zgjedhjeve. Edi Rama bëri bashkë këtë lukuni për një mision. Krimi dhe qeveria janë kthyer në një sipërmarrje aksionere. Përgjimet tregojnë cfarë harmonie dhe komunikimi dashamirës ka mes deputetit, kriminelit, policit dhe biznesmenit. E gjithë kjo sipërmarrje është financuar nga paratë e drogës. Nuk është rastësi që polici ushtar i Tahirit është një nga të raportuesit nga institucionet ligjzbatuese të trafikut të drogës. I gjithë ky projekt ishte shkatërrues“.
https://www.facebook.com/lulzimbasha.al/videos/401012907425676/
