Kryeministri i vendit Edi Rama është sonte i ftuar në emisionin Real Story përballë gazetarit Sokol Balla.
Në krye të herës, Rama u shpreh se urdhri i Prokurorisë për ndalimin e publikimit të materialeve të “Dosjes 339” është absurd dhe aspak korrekt.
Në lidhje me përgjimet e publikuara nga gazeta gjermane “Bild”, Rama u shpreh se ata nuk janë prova për shit-blerje votash, por për fushatë elektorale.
“Për sa i përket përgjimeve, unë i kam neveri, për shkak të nxjerrin nga konteksti. Përgjimet nuk janë prova, janë indicie të caktuara. Me atë që kam mundur të shoh me të gjithë neverinë, madje më vjen për të vjellë. Këta janë njerëz që bëjnë sikur zgjidhin planetin me telefon.
Unë besoj që kjo është një dosje që është mbajtur në sirtar për të krijuar panik. Bëhet e turpshme, që këto copa materiale nxirren dhe publikohen. Gjermania nuk ka thënë asgjë, gazetari ka marrë materialet dhe i ka publikuar. Kjo ka helmuar gjakun e shumë njerëzve këtu që thonë ja mafia këtu ja mafia atje.”
https://www.facebook.com/edirama.al/videos/373350506859965/
