BSH: Një rrezik për bankat edhe fluksi i lartë i kolateraleve
ARMO e KURUM, janë dy kompanitë me përqëndrimin më të madh të kredisë së keqe. Në Prezantimin e Raportit të Stabilitetit Financiar, ekspertë të Bankës së Shqipërisë kanë vlerësuar se niveli i lartë i kredive me probleme është shqetësues për ekonominë. Që të dy këto kompani tashmë për shkak të kredive të papaguara por edhe të borxheve të tjera që kanë ndaj të tretëve janë në proces falimentimi. Kreditë e pakthyera të ARMO-s në sistemin bankar përllogaritet të jenë 37 milion euro, ndërsa KURUM ka rreth 40 milionë euro kredi të pakthyera në disa banka të nivelit të dytë.
Në vlerësimin e Bankës së Shqipërisë një tjetër rrezik që ka lidhje me kredinë e keqe është edhe fluksi i pasurive të paluajtshme (kolaterale) që po kthehen në banka, si shkak i pamundësisë së klientëve për të shkyer kreditë bankare.
