Një grup prej 25 anëtarësh të Frontex kanë mbërritur në pikën kufitare të Kakavijës që prej mbrëmjes së djeshme dhe po zhvillojnë një mbledhje me anëtarë të autoriteteve kufitare shqiptare.
Në takimin që po zhvillohet në këtë doganë është i pranishëm edhe zëvendës Gjenerali i ushtrisë greke.
Mësohet se anëtarët e Frontex do të qëndrojnë rreth 3 muaj dhe misioni i tyre është mos lejimi i kalimit të emigrantëve të paligjshme, kryesisht emigrantët që kalojnë në mënyrë të paligjshme kufirin jeshil të cilët vijnë nga vendi fqinj, Greqia.
Detyra e tyre do të jetë e përqëndruar edhe tek ndëshkimi i rasteve kriminale. Sipas burimeve nga pika kufitare do të kryhen edhe kontrolle në automjete më pasagjerë për të shmangur çdo aktivitet të paligjshëm.
