Një aksident i frikshëm është regjistruar mëngjesin e sotëm në aksin e rrugës Elbasan-Librazhd.
Një autoveturë është goditur nga pas nga ana e një automjeti që qarkullonte me shpejtësi të madhe ndërsa po tentonte të parakalonte.
Si pasojë e përplasjes autovetura ka humbur drejtimin e lëvizjes dhe është përplasur me trafikndarësen mbrojtëse të rrugës. Automjeti që drejtohej nga një shtetas shqiptar është shkatërruar pjesërisht ndërsa drejtuesi ka pësuar lëndime të vogla.
Policia ka filluar hetimin për të përcaktuar shkaqet e këtij aksidenti.
