Studenti Dardan Almeta foli në studion e lajmëve të Fax News për shoqërimet e herë pas hershme të tij nga policia vetëm se merr pjesë vazhdimisht në protesta.
Ai tha se këto shoqërime janë politike dhe se për asnjë ndalim të tij nuk ka patur prova duke io quajtur si të paligjshme.
“Për herë të parë jam arrestuar në Janar pranë ambasadës amerikane nga 20 efektivë civil të policisë bashkë me një shokun tim ku na mbajtën 7 orë dhe na pyetën pse kemi bllokuar dyert e fakultetit. Pastaj jam shoqëruar pothuajse çdo 4 ditë e theksoj nga civil dhe jemi mbajtur nën vezhgim thua se ishim kriminelë jo studentë. Jemi shqoqëruar vazhdimisht dhe na është bërë presion gjoja se ne ishim anëtarë të forumeve politike. Natyrisht ishin shoqërime politike pasi kur jam shoqëruar herën e parë më kanë thënë se juve ju ka iniciuar Sali Berisha për të mbyllur dyert e fakulteteve. Unë nuk kam asnjë njohje me ish-kryeministrin përvecse e di që ka qenë drejtuesi i qeverisë”, tha ai.
Almeta tha se shoqërimet e tij nuk e ndalojnë që të marrë pjesë në çdo protestë që ka një kauzë të veçantë dhe reale.
“Unë jam i lirë të marr pjesë në çdo protestë pavarësisht se mund të thirret edhe nga partitë politike por kur ka një kauzë të drejtë pse nuk duhet të marr pjesë. Kryeministri është tallur vazhdimisht me kërkesat e studentëve dhe vazhdon të tallet bashkë me kryetarin e Bashkisë së Tiranës, Erion Veliajn. Premtimet që kanë bërë janë të gjitha gënjeshtra. E vërteta është krejt ndryshe pasi nuk kanë kartë studentët, nuk kanë kushtet minimale në fakultete dhe konvikte”.
Duke folur për protestën e opozitës, Almeta tha se në të marrin pjesë shtresa më e varfër e vendit duke analizuar që ajo sipas tij, është politike sepse drejtohet nga disa forca politike.
Almeta ka folur edhe për ndalimin dhe shoqërimin e tij nga policia ku është mbajtur në bodrumin e Bashkisë së Tiranës ku tha se, është dhunuar dhe fyer me fjalët më të ndyra nga fektivët civil bashkë me shokun e tij.
“Na kanë goditur deri në ambjentet e bashkisë, aty kanë vijuar dhunën me grushta dhe shkelma si dhe na kanë fyer për rreth 25 minuta, pastaj kanë ardhur edhe efektivët e shqiponjave edhe ata na kanë fyer, mua personalisht më kanë ofenduar me fjalë raciste “tirans plehër” ndërkohë që unë i përkas komunitetit të parë kryeqytetas. Jam shoqëruar edhe 4 herë të tjera gjatë protestës së opozitës vetëm se kam marrë pjesë ku kam mbajtur flamurin kombëtar, asnjë flamur tjetër. Akuzat kanë qenë të paqarta dhe kontraverse. Jam akuzuar për grabitje të ndodhura në zonë madje edhe për mbjellje të kanabisit. Unë kam bërë denoncime pasi besoj tek shteti ligjor ndryshe mbase nga opozita që nuk beson tek policia. Nuk kam marrë asnjë përgjigje por kam marrë kërcënime edhe me jetë duke më kërkuar që të tërhiqem.
Rasti i fundit i arrestimit tim ka qenë në protestën e 13 Prillit. Atë ditë nuk kam qenë fare në protestë, kam qenë duke kaluar pasi po pija kafe me shokë dhe disa pedagogë, protesta ishte në mbarim. Isha bashkë me 3 shokë të mijë dhe jam ndaluar tek rruga e Elbasanit, më thanë se ke marrë pjesë në protestë dhe ke goditur efektivët e policisë. Më thanë se është dhënë urdhër për shoqërimin tuaj. Janë marrë njerëz nga jetimorja dhe janë mbajtur për 3 ditë komisariateve, edhe persona me problem mendore e minorenë. Jam mbajtur në Komisariatin nr 1 dhe pas ankesave më është thënë se mund të ankohem tek portali i bashkëqeverisjes. Ne kemi protestuar për dy muaj dhe nuk kemi prekur një polic me dorë. Madje unë personalisht ka pasur një rast kur një polici i ka rënë kapelja në tokë dhe e kam marrë dhe ia kam vendosur në kokë”, tha studenti Dardan Almeta i cili mopmentalisht ndodhet në masën e sigurisë “arrest shtëpi” dhe lidhur me këtë ai shprehet:
“Mua më duhet të lëviz sepse jam student dhe më duhet të ndjek mësimet. Edhe nëse duan të më arrestojnë që e kam thyer këtë masë, le ta bëjnë, nuk kam frikë sepse është dhënë pa asnjë shkak.
Jam i vetëdijshëm se edhe që të vija këtu po rrezikoj por shqiptarët kanë rrezikuar 45 vjet të dalin nga regjimi komunist dhe të kem frikë unë sot është e papranueshme dhe e pakuptimtë. Askush nuk mund të më ndalojë të marrë pjesë në protesta të ligjshme dhe të më ndëshkojnë pa pasur asnjë provë”, tha Almeta.
/faxweb/
