Komisionieri për zgjerim, Johanes Hahn në një intervistë për DW ka folur për krizën politke në të cilën është përfshirë vendi dhe zgjidhjen e saj.
Hahn është shprehur se është detyrë e qeverisë që ti afrohet opozitës në këtë situatë.
“Në rastin e Shqipërisë, dhe kjo vlen edhe për vendet e tjera të Ballkanit Perëndimor, mendoj se është perspektiva evropiane motivi kryesor dhe në këtë drejtim unë mund t’i inkurajoj të gjithë përgjegjësit politikë që t’i kthehen punës parlamentare. Është detyrë e qeverisë që t’i afrohet opozitës dhe detyrë e opozitës që të vetë përfshihet në mënyrë konstruktive, kritike por edhe të angazhuar”, tha komisionieri për zgjerim Hahn.
Nga ana tjetër kryeministri i vendit, Edi Rama mbrëmjen e djeshme në Opinion ritheksoi se zgjedhjet lokale nuk do të shtyhen dhe se nuk do të krijohet qeveri tranzitore.
